給青年發展空間 制訂更適切政策

青年問題係社會關注問題之一,當中因素複雜繁多,有人指出,最核心係當今年輕人缺乏向上流動機會,背後則是出於香港經濟嘅深層次結構問題,若然單靠「塗脂抹粉」,譬如多建社區中心或招募一批青年進入特區政府嘅諮詢委員會,更難以解決香港年輕一代面臨嘅向上流動及背後嘅結構性矛盾!講真,政策錯誤,就好似一塊好羊肉,卻落在狗嘴裏,梗係睇見都眼冤啦!國家主席習近平強調,青年興,則香港興;青年發展,則香港發展;青年有未來,則香港有未來。習主席說得言簡意賅,佢一語中的指出,要幫助廣大青年解決學業、就業、創業、置業面臨嘅實際困難,為佢哋成長成材創造更多機會。各位,呢啲咪叫「明者因時而變,知者隨事而制」囉!要言之,制訂青年政策要懂得變化!嗱!有政黨尋日公布受訪青年對青年政策嘅意見調查,結果都係在意料中,青年最關注係房屋政策,其次係增加向上流機會、工作生活與平衡。呢,根據中大亞太研究所2014年底嘅調查,最多年輕人期望施政報告會優先處理房屋規劃;功夫茶話係意料中就係咁解。長期以來,香港整體樓價指數只升難跌,而年輕一輩收入升幅緩慢,點追都追唔上樓價升幅,點節衣縮食唔去日本旅行,都難以有足夠積蓄支付首期,是以「置業興家」對年輕人而言係遙不可及,「上車」只能依靠「父幹」或「母幹」。此外,香港產業欠多元化等問題窒礙年輕人發展,本報評論亦常指出本港產業單一,未能有效增質和升級,勞動市場無法提供更多種類、更高端嘅職位,導致唔少高學歷人士只能接受低薪、低技術工作,失向上流階梯,年輕人點會活得有動力?有關政黨於今年6月透過問卷調查方式訪問322名青年,其中房屋政策方面,64.9%希望增設「青年首次置業貸款計劃」,54.3%盼興建更多公營房屋及降低資助房屋入場門檻。至於增加向上流機會方面,63.7%希望港府為青年提供多元化嘅就業機會,唔好只局限於專才或文職白領,應喺唔同行業,例如工業化4.0、旅遊業、建築及工程專科等開拓唔同工種和職位。講係咁講,上屆政府口噏要「與青年同行」,可惜完全偏離政策,青年貧窮問題完全冇解決,向上流更不知從何說起!調查又指受訪青年對「大灣區青年發展」、發展新興產業等內容關注度較低,認為政府應鼓勵港青到大灣區發展!問題係政府有冇祭出吸引年輕人去大灣區發展嘅誘因?習主席寄望港青「用火熱的青春書寫精彩的人生」,推行青年政策嘅官員看來要制訂更多適切政策,讓更多年輕人睇到出路肯留下來,切忌再塗脂抹粉,廢噏無謂!

香港地產新聞網 » 給青年發展空間 制訂更適切政策
赞(0)

評論搶沙發

  • 昵稱 (必填)
  • 郵箱 (必填)
  • 網址