政情:首間酒店變身青年宿舍 楊政龍:已接300份申請 – 地產新聞 – 宅谷地產資訊網

酒店變身嘅青年宿舍,畀年輕人更多空間。(陳德賢攝)政情:首間酒店變身青年宿舍 楊政龍:已接300份申請 - 地產新聞 - 宅谷地產資訊網楊政龍話青年宿舍收到約300份申請。 樓價高企,年輕人想置業安居都難,同屋企人住又冇私人空間,搞到好壓抑。政府搞嘅青年宿舍計劃,近年擴展至酒店,香港青年聯會就搞咗首間由酒店變身嘅青年宿舍,已經有年輕人入住嘞!住客需做社會服務青聯主席楊政龍話已收到約300份申請,亦會一路接受申請,一路有人入住,現時有10人已簽約,當中4人已入住。佢話入住宿舍嘅青年要做社會服務,若然有青年係健身教練喺宿舍教人健身,都可以計分。分數計算都有彈性,青年可以任意選擇做服務嘅時間,只要一年入面儲夠200分就得,若得分超過200就有租金等優惠畀佢。咁點解青年宿舍叫BeLIVING Youth Hub?佢話有一日望住棵樹就諗到不如叫Beliving,係生活同居住嘅意思,加埋Youth就寓意係相信青年、相信未來。同場嘅民政及青年事務局局長麥美娟話,政府決心協助青年解決「4業」問題,預期第二季會有多幾個青年宿舍接受申請,位處市區同新界都有,詳情會適時公布。被問及地方行政檢討進度點?佢都係重複答適時公布。

香港地產新聞網 » 政情:首間酒店變身青年宿舍 楊政龍:已接300份申請 – 地產新聞 – 宅谷地產資訊網
赞(0)

評論搶沙發

  • 昵稱 (必填)
  • 郵箱 (必填)
  • 網址